رسول الحب

يا رسول الحب وصّل سلامي للحبيب
واحدن ميت خفوقي على شوفه و أبيه

وأخبره عن خافقن ماعرف غيره حبيب
وحبّ لي خشمه و راسه و طمّني عليه

شاب راسي من فراقه قبل حل المشيب
وشيبت عيني و ضاق الفضاء بي كلّبيه

طيلة الفرقا تسبّب جروح ما تطيب
الدواء شـوفـة محـيّاه و ملامـس يديه

ماقدرت أنساه يا ناس نسيانه صعيب
وان بغيت أجيه يصعب ع مثلي يجيه

مايعيق الحب دربن بعيد و لا قريب
و الطريق لو طال يقصر لقلبن مهتويه

قلبي المجروح مهما عن عيوني تغيب
والله ان أموت وحبك الصافي حي فيه

كلما شفت القمر قلت ياشي عجيب
من هو اللي خلقه الله للثاني شبيه

ويارسول الحب عجّل عسى فالك يطيب
جيب لي علمن يسـرّ الهـواوي و يهنيه