اتعبني صدودك يا حبيبي

اتعبني صدودك يا حبيبي اتعبني جفاك
اتعبني نزيف الدمع من عيني عليك



غايب عن عين تحبك وعن قلب هواك
وحاضرفيني مشاعر والمشاعر تفتديك



بعد ما كنت لك شمسك والقمر في سماك
بعد ما كنت لي بايع وانا الي مشتريك



بعد ما كنت لك نسمة عبيرك وهواك
بعد ما كنت لي روحي وروحي تحتويك



اذكر انك لا سكنك هم(ن) وجاك
تشتكيني همومك وتشتكي احزان تجيك



اذكر انك قبل لا تنطق الحرف بشفاك
اعرف الكلمه وانطق ما حكتها شفتيك



وصفك محال كيف باوصف هالملاك
الوصوف الي انحكت في الحلا تنسب اليك



وطبعك دلال كيف يرضيني سواك
ودي احضي بأي شي ياحبيبي يرتضيك



قلبي ضامي لحبك وده انه ارتواك
وفي ذمتي لو هي بدينه يرتويك



لاكن ايامنا بالهوا ماهي بهواك
والجفا مكتوب لا صابك ماهو بيديك



يمكن بغلطه صغيره يصبح حبك هلاك
وكل غلطة ترتكبها بالهوى تحسبك عليك



قصة بقت في خاطري تحكي عناك
كتبت على عنوانها (حبيبي والله ابيك)