تجرح خفوقي غيبتك يا مالك الروح

شيدت لك في داخلي قصر وصروح
وعيون تنبع من عذوبة جفونك

واخلصت لك بالود والقلب مفتوح
ينطر على بابك يخيّل مزونك

أظل أنا وياك والشوق مفضوح
يرجي وصالك كل ماشاف كونك

تجرح خفوقي غيبتك يامالك الروح
والنفس تبقى ياوليفي تصونك

بكيت أنا والقلب غآفي ومجروح
ودموع عيني هيضت لك شجونك

أضحيت أنا والهم والصوت مبحوح
والحيرة اللي اشغلت بي عيونك

عزي لحالي يرتجي لحظة البوح
والفكر شارد في تباريح كونك

يا ليت تقرا وش مسطّر على اللوح
تعرف غلاك وضيق صدري بدونك

» تعال شف غيبتك كيف اثرت فيني.....
» حلاوة في نزع الروح...
» جمال الروح لغة لا بد من تعلمها ..
» هل شاهدت السمك يؤكل وبه الروح .....بلوتوث