غابت ثمان سنين

في زمن هاج به الجوع

اراد هذا الشاعر ان يتزوج ابنة عمه

على سنة الله ورسوله

ولكن الفقر حال دونهم

ليرحل لعله يغتني وينالها زوجه

ولكن هي الصدمه بعد عودته

ونترككم مع القصيده...

غابت ثمان سنين حـل وترحـال
غابـت ثمـان كلهـا مدلهـمـه

قضيتها بالحب والشـوق رحـال
وحبٍ تحـدى كـل ياسـه وهمـه

سألت عنها سنين وشهور وليـال
ولافيـه فـج غيـر وجـهــت يــمـه

وعقب الثمان الي تعبها برى الحال
جاب الزمـان الكارثـة والمطمـه

جاني ولدها مبتسم بيـن الاطفـال
ومن بسمته ذكرت أنا بسمة أمـه

شفته وصاحت داخلي كل الآمـال
بصوتٍ عجزت بكتم الانفاس ألمـه

ركضت له ودمعي على الخد همال
من كثرشوقي قمت بلحيـل أظمـه

ساعة حظنته والطفل في يدي مال
شميت ريحتها على أطراف كمـه

واستلهمت نفسي مقادير الاهـوال
وتم الضياع واكـدت لـي متمـه

واليوم بنت الناس في بيت رجـال
حب على غير الشرف لي مذمـه

ليت الغياب اللي شغل غربتي طال
ولادور العاشق على حـرق دمـه

مجبور أعوّد واشتكي كل الأميـال
بنفس حزينـه تايهـه مستهمـه

برجع غريب مسكنه بـر ورمـال
يموت يحيـى يندفـن مـا يهمـه