ياما على شوفة خيالك تمنيت

أعاهدك باللي فرض حجة البيـت
مجفاك لـو قبـري يشيـد ترابـه


جاني خيالك في منامـي وفزيـت
وهلت دموعي مثل وبل السحابه

ياما على شوفة خيالـك تمنيـت
عزاه مـن جـرحٍ بقلبـي لجابـه

وياما من همـوم المحبـه ترويـت
والقلب زاد من الهمـوم إلتهابـه

وياما وياما من جروحك تداويت
لاشك جرحك مايفيد الـدوا بـه

وياما وياما بعالي الصوت ونيـت
على الذي ماعاد يبـري صوابـه

ماينفع المجروح كثـر التناهيـت
جرح الهوى ياويل قلـبٍ لجابـه

كم من جروحٍ بالهوى منك عانيت
وجرحك بقلبي كل شخصٍ درابه

أفرح ويطرب خاطري كل ماجيت
وقلبٍ تولـع فيـك لا واعذابـه

قالوا تمن قلـت ياليـت ياليـت
ألحق هوى اللي تل قلبي وغدا بـه

في مرقدي كني ندهتك وصديـت
ارحم جريحٍ صاح من حـر مابـه

وجرحي خطيرٍ مير كاني توفيـت
أمانتـك قبـري تـزاور ترابـه