حطّيتگ بـ .. عيني .. وغمّضت عيني .. وياليتني : غمّضت عيني ما فتّحت !

لا تلتفت يمي .. ولا تحتريني !
انا / هنا وقفت رگابي وريّحت

للماضي اللي گان بينك وبيني
رفعت يمناي الگريمه ولوحت َ!

ماني على گيفك .. مثل ماتبيني
حتى ولو اني صفحت وتسامحت !

اعلّمگ .. وانت اعلم الناس فيني
آمسيت من ليلة طعونگ ولا اصبحت!

من كثر صدماتي ونگسة سنيني
هللت .. واستغفرت لله .. وسبّحت

ياما وياما .. شلتك بـ ( راحتيني )
وياما على ضلوع الحنايا تمرجحت

كل العلوم اللي ماابيها .. تجيني
واقول ( مع نفسك ياليتك تصالحت ) !

امد لگ .. عن گل طيحه / يميني
لا تحسبني .. في مطيحگ تفرّحت

ذنبي : نحّت اسمگ .. بعد والديني
ولو ينمحا المگتوب .. ما ينمحا النحت

لگن قدر .. مگتوب لي في جبيني
واليوم عن دربگ / بدربي تسمّحت !

وان قادني لـ .. أغلا الاماگن حنيني
ابذگر انگ .. من مگانگ تزحزحت

ياطير ما انت بوسط صدري سجيني
اگفخ .. وقابلك الفضا وين ما رحت

شمع المحبه .. گان اصابع يديني
يا گثر ما ضوّيت لأجلگ .. وسرّحت

لـ .. اقرب قريب ٍ لي .. ما ابيّح كنيني
واعلمّگ .. يوم اني لـ .. شخصك ارتحت
حطّيتگ بـ .. عيني .. وغمّضت عيني
وياليتني : غمّضت عيني ما فتّحت !

وفتحت عيني ودي اشوف ويني ؟
ومْع الاسف ومْع الاسف منّها طحت

» يا نور عيني بادلني المواساه